Citolab proiektua 2024-2025 ikasturtean Lanbide Heziketako heziketa-zikloak ematen dituzten itunpeko ikastetxeetan berrikuntza- eta ekintzailetza-proiektuak egiteko dirulaguntzen deialdian finantzatu da, Lanbide Heziketako 6. Euskal Planean eta Euskal Hezkuntza Sistemaren Eraldaketa Digitalerako Planean zehaztutako estrategiarekin lerrokatuta.
Citologia-diagnostikoa hobetzeko tresna interaktibo berritzaile bat garatzea du helburu CitoLab Digital proiektuak. Helburua lagin zitologikoetarako sarbidea erraztea eta ikasleei zein profesionalei diagnosi-praktikan laguntza ematea da. Tresnak hiru arlo nagusi izango ditu:
- Interaktibitatea eta irisgarritasuna: Erraz nabigatzeko, autoebaluazioak egiteko eta laginen bilaketa aurreratuak egiteko aukera emango du, motaren eta diagnostikoaren arabera.
- Inprunten laginak sartzea: Lagin hauek gehituko dira patologia ezberdinen aniztasuna eta ulermena aberasteko, batez ere premiazko diagnostikoetan.
- Kasu klinikoen integrazioa: Testuinguru kliniko osoagoa eskainiko du, interpretazioa eta erabaki terapeutikoak hobetuz.
Laguntzaileak
Tresna hori Easo Politeknikoa Hezkuntza Zentroarekin eta hainbat osasun-erakunderekin lankidetzan garatuko da, hala nola IMQ, Basurtuko ESI, Donostiako ESI eta Biobankorekin.
